Brilliance vs Brontosaurus

Net toe ek finaal wou hoop verloor vir die mensdom, en veral vir die wetgewers, kom ek af op Sir Robin Jacob. Sy CV gee hom weg as 'n patente-prokureur, en hy werk al vir baie lank in IP (Intellectual Property), daai vreeslike vae konsep wat deesdae deur die almal wat half evil is gebruik word om klein kindertjies mee tronk toe te stuur, ouers moer bang te hou vir rekenaars, en almal te laat voel dat dit eintlik verkeerd is om online te wees, want jy steel mos die heeltyd per ongeluk goeters.

In elk geval - I digress... Die dude, sir dude, het myns insiens 'n paar moer slim uitlatings gemaak oor die hele IP sirkus by 'n seminaar in London, 'n stap wat eintlik heeltemal kontra sy werk blyk te wees. Hy reken daar's nie soveel patente nodig nie, en dat die hele patente idee eintlik maar net deur Amerikaners uit verband uit geruk is sodat jy deesdae IP kan registreer op, in sy woorde, 'n nuwe manier om lemoene op 'n balie te pak. Once. Kon dit self nie beter gesê het nie. Hy vra byvoorbeeld die vraag of daar werklik patente nodig is vir sagteware, en waar die bewys daarvoor is.

Aan die ander kant van die spektrum, by die sirkus-faksie, oftewel die musiekmafia, wil die RIAA nou digitale radio-broadcasters forseer om te sorg dat geld aan die Record Labels betaal word as luisteraars die musiek kan record en stoor. Nou dit is die mees blatante form van extortion wat ek nog ooit van gehoor het. Dis goed - hulle raak sloppy.

Ek wil nog 'n radiostasie sien waarvan af jy nie klank kan record nie. Bliksem, dit sal maar lekker boring wees - en stil. Ek kan dink aan mooi name: Radio Ruis, die Stil Stasie, of Fokkol FM, die stasie sonder 'n radio. So, wat sê die mafia nou eintlik?
"As jy 'n radiostasie is, gee vir ons geld. Beskou dit as 'n boete vir die feit dat jy een van die struikelblokke in ons missie is na 'n tjoepstil wêreld."

Dan, op 'n baie ligter noot, het die Arctic Monkeys dit reggekry om #1 op die UK charts te slaat sonder 'n label (harde applous), deur hulle music van die begin af downloadable te maak op die Net. Hopelik sal dit vir mense begin wys hoe totaal donkereeus die idee van 'n label is. Tog moet ek seker besef dat nog so 'n paar duisend bands dit ook eers sonder 'n label sal moet maak voor dit gebeur... binne die volgende jaar.
Maar moenie worry nie, dit kom!